Burada uşaq bağçaları konslageri xatırladır... - Dəhşətli MƏNZƏRƏ...

  • 14-05-2020, 23:28
  • olke
  • Baxılıb3433
Burada uşaq bağçaları konslageri xatırladır... - Dəhşətli MƏNZƏRƏ...


27 dekabr 2011-ci il tarixdə Prezident İlham Əliyev tərəfindən “Azərbaycanda körpələr evlərinin, körpələr evi-uşaq bağçalarının, uşaq bağçalarının, xüsusi uşaq bağçalarının və uşaq evlərinin inkişafı ilə bağlı tədbirlər barədə” Sərəncam (https://president.az/articles/4015) imzalanıb. Həmin Sərəncamla Təhsil Nazirliyinin tabeliyində olan körpələr evləri, körpələr evi-uşaq bağçaları, uşaq bağçaları, xüsusi uşaq bağçaları və uşaq evləri yerli icra hakimiyyəti orqanlarının (Bakı şəhəri üzrə Bakı Şəhər İcra Hakimiyyətinin, Gəncə şəhəri üzrə Gəncə Şəhər İcra Hakimiyyətinin) tabeliyinə verilib. Belə bir qərarın qəbul edilməsində başlıca məqsəd ölkədəki körpələr evlərinin, körpələr evi-uşaq bağçalarının, uşaq bağçalarının, xüsusi uşaq bağçalarının və uşaq evlərinin fəaliyyətinin müasir tələblər səviyyəsində qurulmasını, uşaqların intellektual, fiziki və psixoloji inkişafı üçün lazımi şəraitin yaradılmasını təmin etmək olub.

Prezident İlham Əliyevin bu Sərəncamından irəli gələn tapşırıq və vəzifələrin indiyə qədər Goranboy rayonunda hansı səviyyədə yerinə yetirldiyi barədə dəqiq məlumatım yoxdur. Bu vaxta qədər hansısa uşaq bağçası təmir olunub, yenidən qurulubsa, onlara diqqət ayrılıbsa lap əla. Bunu alqışlayıram. Lakin nədənsə bu diqqətdən Goranboy rayonunun 4 kəndindəki uşaq bağçasına pay düşməyib. Hansıki, həmin bağçaların vəziyyəti uzun illərdir ürəkaçan deyil və bunu rayonda yaşayan hər kəs bilir. Xatırladım ki, Goranboy rayonu ərazisində ümumilikdə 32 körpələr evi-uşaq bağçası (http://www.goranboy-ih.gov.az/page/86.html) fəaliyyət göstərir. Bu məktəbəqədər təhsil müəssisələrindən biri 3500-dən artıq sakinin yaşadığı Qaradağlı kəndindəki 90 yerlik Körpələr Evi – Uşaq Bağçasıdır.

Kəndin düz girəcəyində yerləşən və 1985-ci ildə istifadəyə verilən uşaq bağçasında indiyə kimi əsaslı təmir işi aparılmayıb. Nəticədə iki mərtəbəli inzibati bina tamamilə yararsız hala düşüb. 1993-cü ildə Kəlbəcər rayonu Ermənistan silahlı qüvvəələri tərəfindən işğal olunduqdan sonra 10-a yaxın məcburi köçkün ailəsi bağça binasının bir hissəsində məskunlaşdırılıb. 2012-ci ildə bu ailələr yeni mənzillərlə təmin olunaraq bağça binasından köçürülüblər. 2013-cü ilin may ayında təhsil müəssisəsinin əsaslı təmir olunacağı xəbəri yayılsa da icra hakimiyyəti tərəfindən aparılan “təmir işləri” binanın mərkəzi yola tərəf olan hissəsində fasadın boyanması ilə yekunlaşıb. Binanın görünməyən hissəsi, yəni arxa tərəfi isə olduğu kimi saxlanılıb. Necə deyərlər, üzü bəzək, içi təzək. Kənd çoxdan qazlaşdırılsa da uşaq bağçası qış aylarında odun sobası hesabına qızdırılır.

2012-ci ilin sentyabr ayında sözügedən təhsil müəssisəsinin vəziyyəti barədə “Kaspi” qəzetində reportaj hazırlamışdım (http://kaspi.az/…/con…/xml/pages/q/pdf/config/xml/config.xml). Məqsədim icra hakimiyyətinin diqqətini mövcud problemə çəkmək idi. Lakin heç nə alınmadı. Lalam, koram, karam deyib, görməzdən gəldilər.

Goranboy rayonunun Veyisli kəndindəki Körpələr Evi-Uşaq Bağçası da uçuq-sökük, Nuh əyyamından qalma, odun sobası hesabına “qızdırılan” taxta tikilidən ibarətdir. Belə bir təhsil müəssisəsində normal səviyyədə məktəbəqədər təlim-tərbiyədən söhbət gedə bilməz. Kənd sakinləri ümid edirlər ki, nə vaxtsa bu kənddə müasir uşaq bağçası tikiləcək. Köhnə taxta tikili bərbad vəziyyətdə olmaqla yanaşı, həm uşaqların, həm də orada çalışanların həyatını təhlükəyə atır. Belə ki, hansısa səbəbdən o köhnə taxta tikilidə yanğın baş versə bağçanın qısa zamanda tamamilə alışıb yanması, faciə qaçılmazdır.

Bir zamanlar rayonun ən böyük çörək zavodunun, hamamının, iki xəstəxanasının yerləşdiyi, ərazisi neft yataqları və müalicəvi sularla zəngin Qazanbulaq şəhər tipli qəsəbəsindəki Körpələr Evi-Uşaq Bağçası da Veyisli kəndindəki məktəbəqədər tərbiyə müəssisəsinin bir növ eynisidir. Yuxarıda bəhs etdiyim acınacaqlı durum bu bağça binasında da özünü göstərir.

Rayonun Nərimanlı kəndində isə bineyi-qədimdən uşaq bağçası olmayıb. Lakin zaman keçdikcə buna ehtiyac duyulduğundan köhnə məktəb binası uşaq bağçası kimi istifadə olunub. 1950-60-cı illərdə çiy kərpicdən tikilmiş, qəzalı vəziyyətdə olan binada balacaların təlim-tərbiyəsi ilə məşğul olublar. Amma yağan yağışlar bu binanın divarlarını yuyub aparıb, divarın bir hissəsi uçub sökülüb. İndi kəndin balaca sakinləri ümumiyyətlə ilkin təhsildən kənarda qalıblar.

Təqdim edilən fotolara əlavə şərh verib yerli icra orqanının, o cümlədən uşaq bağçalarının bu vəziyyətinə görə konkret cavabdeh olan şəxslərin ünvanına nə isə söyləməyə ehtiyac duymuram. Çünki, görünən kəndlərə bələdçi lazım deyil.
Azinforum.az

Burada uşaq bağçaları konslageri xatırladır... - Dəhşətli MƏNZƏRƏ...Burada uşaq bağçaları konslageri xatırladır... - Dəhşətli MƏNZƏRƏ...Burada uşaq bağçaları konslageri xatırladır... - Dəhşətli MƏNZƏRƏ...Burada uşaq bağçaları konslageri xatırladır... - Dəhşətli MƏNZƏRƏ...Burada uşaq bağçaları konslageri xatırladır... - Dəhşətli MƏNZƏRƏ...Burada uşaq bağçaları konslageri xatırladır... - Dəhşətli MƏNZƏRƏ...Burada uşaq bağçaları konslageri xatırladır... - Dəhşətli MƏNZƏRƏ...Burada uşaq bağçaları konslageri xatırladır... - Dəhşətli MƏNZƏRƏ...Burada uşaq bağçaları konslageri xatırladır... - Dəhşətli MƏNZƏRƏ...[xfgiven_video][/xfgiven_video][xfgiven_video2][/xfgiven_video2]
Oxşar xəbərlər
Ağstafada başçı həbs olundu, tender işi dəyişmədi - Eyni şirkətlər bütün rayonlarda qalib elan olunur
Goranboyda nələr baş verir? - İDDİA
Ramiz Mehdiyev milli kadrları necə “məhv edib”… - ŞOK FAKTLAR
FHN şefinin oğlunun başı CƏNCƏLDƏ... - TƏFƏRRÜAT
Qubada qeydiyyatdan keçib,Balakəndə oturan MMC-ni Bakıdan kimlər idarə edir? - İTTİHAM
Azərbaycandan ildə 1 milyard manat hara çıxarılır? - İLGİNC FAKTLAR
Axtarışa verilən Əli Həsənova Abidin Fərzəliyevin bağışladığı villa — FOTO
Gözdən əlili ara fəhləsi kimi işlədirlər... - GİLEY
Gəncə təhsilində nələr baş verir? - İDDİA
Ağdamın başçısına qohumbazlıq suçlaması -
ŞOK FAKT: İnam Kərimovu necə gözdən salmaq istəyiblər? - Ramiz Mehdiyevlə Əli Həsənovun çirkin oyunları...
“Zeytun”la bağlı şok iddialar: Şantaj, hədə... - İTTİHAM
Sabirabad Olimpiya Kompleksində ŞOK YEYİNTİ... - İTTİHAM
Xalq şairi Əli Həsənovu
Bakcell Əli Həsənovun toruna necə düşübmüş? – Nəsib Həsənov onun sözündən niyə çıxa bilmirdi?
Kərəm Həsənovun “Hacıkənd əməliyyatı” – Bu dəfə onu əfv edəcəklərmi?
Kərəm Həsənov qalmaqallı əmisi oğlunu özünə köməkçi təyin edib? – FOTO
Azərbaycan nefti ucuzlaşdı
Nizami Xudiyevin prokuror oğlu işdən çıxarıldı
“Binə” Ticarət Mərkəzi açılır — FOTO
Sabahın havası — Şimşək, yağış, dolu...
Rayonlara gedən bu sürücülər cərimələnəcək — RƏSMİ AÇIQLAMA
Prokurorluq Qurban Məmmədovla bağlı araşdırmaya başladı
Balaxanıda fotosessiya izdihamı — VİDEO
Azərbaycanda pensiya ilə bağlı mühüm dəyişiklik — AÇIQLAMA
Azərbaycanın bu şəhərində yoluxma sürətlə artır — 16 nəfər ölüb
Bu tarixdə iri ticarət mərkəzləri açıla bilər — AÇIQLAMA
AZAL Türkiyəyə gedənlərə müraciət etdi
«    Сентябрь 2020    »
ПнВтСрЧтПтСбВс
 123456
78910111213
14151617181920
21222324252627
282930 
MƏDƏNİYYƏT