Ağstafanın başçısı postunda çox qalmayacaq... - Belə görünür...

Ağstafanın başçısı postunda çox qalmayacaq... - Belə görünür...


Bu gedişlə icra hakimiyyətlərinin ləğvi prosesi sürətlənəcək. Çünki yerlərdə əyalət başçılarının fəaliyyəti tamamilə fiaskoya uğramaqdadır.
Prezident gözləyirdi ki, yerli idarəetmədə islahatlar kadr dəyişiklikləri ilə mümkün ola bilər. Amma görünür ki, yeni təyinatlar köhnələrə “rəhmət oxudur”.

GundemXeber.Az-ın apardığı ayrı-ayrı araşdırmalar təsdiqləyir ki, bölgələrə yeni təyin olunan icra hakimləri uğurlu ola bilmirlər.

Başçı hansı kəndə, hansı şəhid qapısına gedib?

Bu xüsusda Ağstafanın icra başçısı Seymur Orucov daha çox fərqlənir. Ona rayon həvalə edilməsi bəlkə də tez, tələsik və erkən qərar idi.
S.Orucov ən azı İH-də bir müddət müavin səviyyəsində fəaliyyət göstərməklə təcrübə toplaya, sonra başçı kürsüsünə yüksələ bilərdi.
Bu səbəbdən onun səriştəsizliyi, Ağstafada başçı olduğu vaxtdan heç bir iş görməməsi, idarəçilikdə köhnə əyyamların davam etməsi vəzifədə uzun müddət qalmacağını deməyə əsas verir.
Əslində əksər İH rəhbərləri vəzifədən azad olunmalıdır, bütövlükdə bu struktur ləğv edilməlidir. Rayonların inkişafına töhfəsi olmayan icra başçıları dağıdıcı, özbaşına əməllərlə məşğul olmaqdan savayı iş görmürlər.
S.Orucovun isə gənc kadr olmasına böyük ümidlər bəslənmişdi və ehtimal edilirdi ki, qoca məmurlardan, talançı fiqurlardan fərqli olaraq müsbət addımlar atacaq.
Gələn məlumatlardan isə belə aydın olur ki, Ağstafanın İH rəhbəri vətəndaşlara xidmət etmək yox, bir gənc kimi icra başçısı vəzifəsində ədabazlıqla məşğuldur.
İndiyə qədər S.Orucov haqda “vətəndaşın problemini həll etdi”, “icra başçısı Ağstafada şəhid ailəsinə kömək etdi” və sair bu qəbildən olan xəbərlərə rast gəlməmişik.
Həmçinin, onun dövründə rayonda hər hansı abadlıq-quruculuq işlərinin görülməsi, hansısa məsələnin yoluna qoyulması faktı olmayıb.
Bəs Seymur Orucovun icra başçısı kimi gündəlik funksiyası nədən ibarətdir? Hər gün saat 9-da iş otağına gəlib kabinetində axşam 6-ya qədər nələr edir? İcra başçısı bir kəndə, bir qəsəbəyə baş çəkirmi?
Ona görə də rayonda heç bir yeniliyə imza atılmayıb. Əksinə, icra başçısı reputasiyası zədələnmiş keçmiş korrupsioner məmurlarla işləməkdədir.

Başçı maaşına 350 minlik maşın

GundemXeber.Az məlumat verir ki, Azərbaycanın ən gənc, 35 yaşında Ağstafaya rəhbər təyin olunan icra başçısı Seymur Orucov hakimiyyəti məyus etmiş oldu.
Həmişə fikirlər və çağırışlar səslənirdi ki, gənc fiqurlara üstünlük verilsin, qan dəyişməlidir, sistemin mobil işləməsi kadr islahatlarından asılıdır.
Amma Orucov pis mənada nümunə oldu ki, heç də gənc olmaqla deyilmiş. Məmur postunda peşəkar və tamahına hakim kəsilməyi bacaranlar əyləşməlidir.
Yeri gəlmişkən, bu yaxınlarda elektron mətbuatda xəbər yayıldı ki, Ağstafanın icra başçısı dəyəri 350 min manat olan 10 NK 200 dövlət qeydiyyat nişanlı amerikan istehsalı olan “GMC Yukon Denali” markalı avtomobilin sahibidir. Buyurun, bu da gənc icra başçısı...Çatar-çatmaz 350 minlik avtomobilə yiyələnib.
Ölkədə 35 yaşlı hansı gənc 350 minlik maşın almaq imkanına malikdir? Bu, fantastikadır. Deməli, ortada qeyri-şəffaf maliyyə var.
Media yazır ki, icra başçısı fəndgirlik edib, həmin avtomobili qardaşı Vasif Orucovun adına sənədləşdirib. Deyilənə görə, avtomobil zirehlidir. Görəsən Orucovlar ailəsi kimdən və nədən ehtiyat edir?
KİV yazır ki, 350 minlik maşın S.Orucovun həyat yoldaşı Çeşmə xanım tərəfindən idarə edilir. Çeşmə xanım Maştağa qəsəbəsində bağça müdirəsidir. Maraqlıdır, bağça müdirəsi ilə icra başçısının aylıq dövlət maaşı nə qədərdir ki, ailə 350 minlik avtomobilə malikdir?
Ümumiyyətlə, ölkədə məmur məvacibi hesabına nəinki bahalı avtomobil, hətta ikiotaqlı bir mənzil də almaq mümkün deyil.
Ona görə icra başçılarının, nazirlərin, məmurların milyonluq mülkləri, maşın kolleksiyaları, biznes obyektləri dövlətin malını yağmalamaq, çapmaq, korrupsiya və oğurluq sayəsində əldə edilir.
Odur ki, 35 yaşlı gənc məmur Ağstafaya rəhbərlik etməklə bu dərəcədə bahalı maşın əldə edə bilməz. Absurddur. İnanılmazdır. Fantastikadır.

Şantajçı Qurbanovun adamları başçının çevrəsində...

Bundan əlavə, Ağstafa İH başçısının idarəetmədə komandası da bərbaddır. O, köhnələrə - adı rayonda qara işlərdə çəkilən məmurlara üstünlük verib.
GundemXeber.Az-a gələn məlumatlara əsasən S.Orucovun adamları rayonda keçmiş başçı Nizaməddin Quliyevin işdən çıxardığı Şaiq Qurbanovun kadrlarından təşəkkül tapıb.
O həmin Ş.Qurbanovdur ki, sabiq başçı N.Quliyev barəsində hüquq-mühafizə orqanlarına şikayətlərin göndərilməsini təşkil edirmiş.
Ş.Qurbanov bu yolla N.Quliyevin onu işdən çıxarmasının qisasını alırmış. Özü isə ömrü boyu vəzifədə işləyəndə idarə müdirlərini şantaj etməklə məşğul olub.
İndisə Seymur Orucov İH rəhbəridir və ətrafındakı adamlar həmin Ş.Qurbanovun təlimatlarına boyun əymiş icra nümayəndələridirlər.
İddialara görə, o dövrdə Ş.Qurbanov rayonda “Həqiqətin Güzgüsü” adılı bir qəzetə 20-30 manat verməklə şantaj, böhtan yazdırırmış.
S.Orucov isə belə intriqabaz sabiq məmurun sözü ilə hərəkət edən qalmaqallı adamlarla işləməkdə maraqlıdır.
Məlumatda deyilir ki, hazırda Şaiq Qurbanov özünü deputat Nizami Cəfərovun yanına verib. Guya onun Ağstafa üzrə köməkçisidir. Qorx ki, onun da reputasiyasını belə ləkələsin, adından istifadə etsin.
Əfsus ki, Prezident İlham Əliyev Seymur Orucova belə yüksək vəzifə verəndə, etimad göstərəndə hesablamışdı ki, gənc məmur özünü doğruldacaq.
Ancaq sabiq başçının invertarlarını belə mənimsəyən Orucovdan bundan artıq nəsə gözləmək belə əbəsdir. Bu da başadüşüləndir, ona üç korrupsioner məmur qohumlarından unudulmaz xasiyyət keçib.
Xatırladaq ki, gənc icra başçısı Həmkarlar İttifaqları Konfederasiyasının sədri Səttar Mehbalıyevin bacısı oğludur.
S.Mehbalıyevin adı həmişə həmkarların haqlarını mənimsəməkdə, yeyintidə, o cümlədən Qarabağ qazisinin intiharına səbəb olmaqda hallanıb. İcra başçısının bir başqa arxa-dayağı da qayınatası idi. İqtisadiyyat Universitetinin sabiq rektoru Şəmsəddin Hacıyevin kürəkəni olan S.Orucov illərlə bu qohumluqlar sayəsində mövqe tutub.

Gundemxeber.Az
Oxşar xəbərlər
MEŞƏ TƏSƏRRÜFATINDA “ XIDIROVŞİNANIN “ FƏSADLARI
Rayon tibb xidməti daha da yüksəldiləcək
İsmayıllıda Xanagah kendi əhalisinə qarşı terror həyata keçirilir
Yevlaxda yeni icra başçısından narazılıq artır.Şəhid anası.Video.
Gəncədə sahibsiz itlər meydan sulayır video
Şəkidə səhiyyədə rəzalət.Ambulansla xaltura edirlər.Video
Bakıda əxlaqsızlıq yuvası aşkarlanıb - Bu nə Biabırçılıqdır?
LERİK ÇAYLARINDA EKOLOJİ TERROR DAVAM EDİR  ETSN İSƏ SUSUR
Vəzifədən cıxarılmış Əfqan Qəribov heç nə olmamış kimi hər gün İDARƏDƏDİR - NAZİR QAYTARACAQ DEYİR
EKOLOGİYA NAZİRİNİN MÜAVİNLƏRİ  TƏBİƏTİMİZƏ BELƏ QƏNİM KƏSİLİB
DÖVLƏT ƏMƏK MÜFƏTTİŞLİYİNİN MASALLI REGİONAL  ŞÖBƏSİNİN SAXTAKARLIĞI
Cəsarət Əhmədov: “Gənclər və İdman Nazirliyi yanında İctimai Şura ölkəmizə, xalqımıza və dövlətimizə çox fayda verəcək”
Mingəçevir şəhər icra hakimiyyətindən Regionxeber.tv saytının bölgə müxbiri Mübariz Nağıyevin ünvanına məktub daxil olub
VÜQAR KƏRİMOVA SÖYKƏNƏN
EKOLOGİYADA NAZİRLİYİNDƏ NƏ BAŞ VERİR ?
YEVLAXIN FƏDAKAR DÖYÜŞ VƏ ƏMƏK BAHADIRI
CƏLİLABADLILAR MEŞƏ SOYQIRIMININ DAYANMSINI TƏLƏB EDİRLƏR
CƏLİLABADDA NAMİK XIDIROVUN
Azəriqaz istehsalat birliyi İsmayıllı, Göyçay və Ağsu əhalisinə divan tutur.Video
CƏLİLABADDA
NAMİK XIDIROV ÖZÜ KİMİ QOVULMUŞLARI İŞƏ GÖTÜRÜR
CƏLİLABADDA SAHİBKAR QOÇU PEYDA OLUB
VÜQAR KƏRİMOV TƏLƏBƏ YOLDAŞININ ƏLİYLƏ CƏNUB MEŞƏLIRUN BELƏ MƏHV ETDİRİR
NAMİK XIDIROV MEŞƏLƏRİ MƏHV ETDİRİR EKİLOGİYA NAZİRLİYİ İSƏ SUSUR
Samux bizim ailə günəbaxan tumlarının qablaşdırılması müəssisəsində antisanitar vəziyyət
Qarabağ əlili! Ölkədə hüquq sistemi çökdürülüb  - Video
XİDMƏT RƏİSİ NAMİK XIDIROV SİNDİROMUNUN İÇ ÜZÜ
ETSN:  NAMİK XIDIROVUN CƏNUBDA KI,
MEŞƏ TƏSƏRRÜFATININ ACI DURUMU
EKOLOGİYA NAZİRLİYİNİN ƏMƏKDAŞI SAXTAKARLIĞI ÜZƏ ÇIXARTDIĞI ÜÇÜN  TÖHMƏT ALDI
VƏTƏNDAŞ 1 SAYLI REGİONAL  EKOGİYADAN ÖLKƏ BAŞÇISINA ŞİKAYƏT EDTİ
«    Декабрь 2021    »
ПнВтСрЧтПтСбВс
 12345
6789101112
13141516171819
20212223242526
2728293031 
MƏDƏNİYYƏT