“Artıq dərəcədə xahiş edirəm ki, həmin mülki işi öz nəzarətinizə götürün...” - Nazirə müraciət...

“Artıq dərəcədə xahiş edirəm ki, həmin mülki işi öz nəzarətinizə götürün...” - Nazirə müraciət...

Qarabağ qazisi, Bərdə rayonu Xəsisli kənd sakini Muğan İsmayıl oğlu Salmanov mənzil dələduzluğuna məruz qalıb. O, 2008-ci ildə mənzil alıb, illər sonra evinə köçmək istəyəndə isə bəlli olub ki, MTK-nın sahibi həmin evi başqa bir adama satıb. İndi nə ona yeni mənzil verilir, nə də halal pulu geri qaytarılır...

Qarabağ qazisi üzləşdiyi qanunsuzluqla bağlı redaksiyamıza müraciətində başına gələnləri nəql edib.

Vətəndaş yazır: “Mən Bərdə rayonu Xəsisli kəndində yaşayıram və orada maldarlıq, əkinçiliklə məşğul oluram. 4 övladım var. Halal zəhmətimlə illərlə qazandığım vəsaiti toplayıb böyük oğlumun Bakıda yaşamasından ötrü ona mənzil almaq qərarına gəldik. 2008-ci ildə Bakı şəhərinin Yasamal rayonu ərazisində ”Kaspian İnşaat MB" MMC-nin tikdiyi çoxmərtəbəli binadan pulunu 2 hissədə ödəyib rəsmi maliyyə sənədləri və müqavilə əsasında 4 otaqlı mənzil aldım. Mən adıçəkilən MMC-dən mənzil alanda bina sonacan tikilib qurtarmamışdı. Bu səbəbdən və vəsaitim qalmadığından özümə məxsus mənzilin təmirinə başlaya bilmədim. 5 il bundan qabaq isə avtomobil qəzası keçirdim və uzun müddət yataq xəstəsi oldum. Buna görə də oğlum təsərrüfat işlərimizlə məşğul olmağa başladı və Bakıda yaşamaq fikrini dəyişdi. Mənzilimi təmir etdirməsəm də, hər dəfə Bakıya gələndə baş çəkirdim, ancaq qəzadan sonra Bakıya gələ bilmədim. Bundan istifadə edən adıçəkilən MMC-nin rəhbəri Bəxtiyar Məmmədov mənə məxsus mənzili təkrarən Paşayev Məmmədtağı Nağı oğluna satıb. Mənzilimi tələb edəndə MMC rəhbəri mənə başqa yerdə mənzil verəcəyini vəd etsə də, sonradan dedi ki, get nə bilirsən, et..."

Vətəndaş deyir ki, o, çıxış yolunu məhkəməyə üz tutmaqda görüb.

Məhkəməyə təqdim edilən iddiada göstərilir ki, M.Salmanov cavabdeh “Kaspian İnşaat MB” MMC ilə 06 may 2008-ci il tarixli, 73 nömrəli Sifariş müqaviləsi bağlayaraq Bakı şəhəri Yasamal rayonu, A.Salamzadə küçəsi, 1055-ci məhəllədə tikilən hündür mərtəbəli binada 2 saylı blokda 3-cü mərtəbədə sahəsi 170 kv.metr olan 4 otaqlı mənzil alıb: “Müqavilədə qeyd edilməsə də sonradan müəyyən olundu ki, mənə satılan mənzil 75 saylıdır. Adıçəkilən müqavilənin 3-cü bəndinə uyğun olaraq mən üzərimə düşən öhdəliyi yerinə yetirərək sifarişçi qismində mənzilin hər kvadrat metrinə görə 700 ABŞ dolları olmaqla, əvvəlcə 50.000 ABŞ dolları, daha sonra 69.000 ABŞ dolları - cəmi 119.000 ABŞ dolları icraçı müəssisəyə ödəmişəm və müəssisə bu barədə mənə həmin məbləğin Azərbaycan manatının məzənnəsinə uyğun maliyyə arayışları verib. 06 may 2008-ci il tarixli, 73 nömrəli ”Sifariş müqaviləsi"nin 4.3-cü bəndinə görə İcraçı sifariş edilən mənzilin tikintisini layihə sənədlərinə və tikinti normalarının tələblərinə uyğun, bu müqavilə ilə müəyyən edilmiş müddət ərzində başa çatdıraraq sifarişçiyə təhvil verməyi öhdəsinə götürüb. Sözügedən müqaviləni bağladıqdan sonra uzun müddət tikintinin başa çatmasını gözləmişəm, mənzilin qapısını bağlayaraq maddi imkanım olduğu vaxtda təmir işlərinə başlayacağımı qərarlaşdırmışam. 2019-cu ilin aprel ayında mənzilimə gələrkən müəyyən etmişəm ki, cavabdeh müəssisənin direktoru Bəxtiyar Məmmədov mənə məxsus mənzili qanunsuz olaraq cavabdeh Məmmədtağı Paşayevə satıb, sonuncu da mənzili təmir edərək orada yaşayır.

Bundan başqa, rəsmi müqavilə bağlamasaq da, cavabdeh Bəxtiyar Məmmədova 20.000 ABŞ dolları verərək sahəsi 20 kv.metr olan yeraltı qarajı da almışdım. Lakin cavabdeh bu qarajı da mənə verməkdən imtina edib. Beləliklə, cavabdehlər “Kaspian İnşaat MB” MMC və Məmmədov Bəxtiyar Sabir oğlu həm müqavilə, həm də mülki qanunvericiliklə üzərlərinə düşən vəzifəni yerinə yetirməmiş, mənə məxsus mənzili başqasına satmış, cavabdeh Məmmədtağı Paşayevlə birlikdə mənə məxsus mənzili zəbt edərək birlikdə mülkiyyət hüququmu pozmuşlar".

Şikayətçi qeyd edir ki, işə hazırda Bakı şəhəri Yasamal Rayon Məhkəməsində baxılır: “Mülki iş hakim Emin Mehdiyevin icraatındadır. 10 sentyabr 2019-cu il tarixdə işə baxılarkən Bəxtiyar Məmmədov öz qanunsuz hərəkətlərini ört-basdır etmək və məsuliyyətdən yayınmaq üçün ağlasığmaz varianta əl atdı. İddia etdi ki, guya onun mənə verdiyi - tərəfimdən məhkəməyə təqdim edilən möhürlü və imzalı müqavilə və maliyyə arayışlarındakı imzalar onun imzası deyil. Guya mən möhürü skan edərək saxtalaşdırmışam. Bəxtiyar Məmmədovun vəkilinin vəsatəti ilə iş üzrə məhkəmə ekspertizası təyin edildi və məhkəmə iclası təxirə salındı. Biz vəkilimlə birgə zalı tərk etdik, koridorda Bəxtiyar kinayə ilə mənə dedi: ”Ekspert rəy verər ki, möhür və imza saxtadır, ondan sonra görüm nə edəcəksən". Bundan əvvəl isə məhkəmə zalında Bəxtiyar vəkilimi hədələyərək ona “gör sənin başına nə oyun açacam” demişdi. Hazırda təşviş içindəyəm ki, özünü “qüdrətli iş adamı” adlandıran Bəxtiyar Məmmədov növbəti qanunsuz addım atmağa - guya mənim müqavilə və maliyyə arayışlarındakı imzanı və möhürü saxtalaşdırmağıma dair saxta rəy almağa nail ola bilər.

Mən kənd adamıyam, heç vaxt kiminsə malını yeməmişəm. Bütün həyatımı zəhmətlə, halal ruzi ilə yaşamışam. Qarabağ döyüşlərində könüllü iştirak edib Vətənimizi qorumuşam. Yaxın-qohum əqrəbamdan xeyli adam Vətənimizin müdafiəsində yaxından iştirak edərək vətəndaşlıq borcunu layiqincə yerinə yetiriblər. Onlardan Fariz Çoban oğlu Qəhrəmanov Azərbaycanın Milli Qəhrəmanıdır.

Artıq dərəcədə xahiş edirəm ki, ailəmizin halal mənzilinin geri qaytarılmasına, Bəxtiyar Məmmədovun barəmdə törətdiyi cinayət əməlinə görə məsuliyyətə alınmasına görə müvafiq qurumlar bizə köməklik göstərsin".

M.Salmanov bildirdi ki, o, başına gələnlərlə bağlı ölkə rəhbərliyinə də müraciət edib.

Yaxın qohumunun başına gələnlərlə bağlı Milli Qəhrəman Fariz Çoban oğlu Qəhrəmanov isə ədliyyə naziri, Məhkəmə Hüquq Şurasının sədri Fikrət Məmmədova müraciət ünvanlayaraq, bu işi nəzarətə götürməsini xahiş edib. O, müraciətində Muğan Salmanovun başına gələnləri nəql edərək, ona köməklik göstərilməsini xahiş edib: “Heç vaxt ola bilməz ki, Muğan başqasının haqqına girsin, saxta yolla mənzilə sahib olmaq istəsin. Sizdən artıq dərəcədə xahiş edirəm ki, həmin mülki işi öz nəzarətinizə götürərək Muğanın ailəsinə məxsus halal mənzilinin geri qaytarılmasına, Bəxtiyar Məmmədovun törətdiyi cinayətə görə məsuliyyətə alınmasına köməklik göstərəsiniz”.
“Yeni Müsavat”[xfgiven_video][/xfgiven_video][xfgiven_video2][/xfgiven_video2]
Oxşar xəbərlər
GDU-da əmək haqqı böhranı davam edir – MÜRACİƏT
Gəncə təhsilində pulyığma sezonu... - İDDİA
GDU düzəlmir ki, düzəlmir... - İTTİHAM
“300 manat ver, yoxsa bağçada yer yoxdu”
İcra başçısı Prezidentin açılış etdiyi ərazini satıb – Şok iddia
İsmayıl Vəliyev Neftçalada zülm edir... - GİLEY
Ağdamda RİH-nin başçısı idarə müdirlərini borca salıb? - İDDİA
Millətə baha dərman sırıyan monopolist deputat - Feyziyev kimə arxayındır?
MİLLİ MƏCLİSİN İKİNCİ RƏFAELİNİN DƏ HOQQALARI ÜZƏ ÇIXIB - QOHUMUN MALINA ƏL QOYUB
Azərbaycanda məmurların falına baxan milyonçu mollanın kəndi – FOTO
Şəmkirdə təhsili kimlər və necə iflic duruma salıb... - Müraciət...
Arzu Rəhimovu kimlər qoruyur? - İTTİHAM
Binəqədidə şikayətə kimsə baxmır... - GİLEY
POLİS ZABİTİ YELMAR HƏSƏNOVUN SAXTA SAHİBKARLIQ FƏALİYYƏTİ - VİDEO+FOTOLAR
Rəfael Cəbrayılova Milli Məclisdə izahat yazdırdılar - DEPUTATA GÖRƏ PARLAMENT İKİYƏ BÖLÜNÜB
Sahil Babayev və şübhəli çevrəsi... - İTTİHAM
“Reqal“ MTK ali dərəcəli cərrahı necə çilədən çıxarıb... - GİLEY
Əkbər Hacıyevin işçiləri narazılıq yaradır... - Mingəçevirdə absurd mənzərə...
AAK-nın sədri Famil Mustafayevə ünvanlanan 38 sual... - İTTİHAM
“Artıq dərəcədə xahiş edirəm ki, həmin mülki işi öz nəzarətinizə götürün...” - Nazirə müraciət...
Sahil Babayev bu ailəni də sosial yardımsız qoyub... - İşsizdən iş yerindən arayış istəmək nə?..
Asataranın icra başçısı belə şəraitdə yaşayarmı? - GİLEY
Sakinlər
Gədəbəydə niyə səfərbər ola bilmirik... - İTTİHAM
Bakıda içkili qadın yolda yatdı - Əri oyada bilmədi (Video)
“Sevgilisi üçün tikdirdi və…” - Elarizin başı bəlalı evindən fotolar
Universitetlərdən daha bahalı özəl orta məktəblər - 70 min manat civarında illik təhsil haqqı...
Baku Medical Plaza-da dəhşət: nazirlik və rəhbərlik suallardan qaçır - Ölümlə bitən əməliyyat və saxta diplom iddiasi
Azərbaycan səhiyyəsi xəstəni necə dağa-daşa salır... - GİLEY
Bakıda 6,3 milyonluq yolun açılışı oldu – VİDEO
«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031 
MƏDƏNİYYƏT